EMPIEZOS
La Banda Gaites Villaviciosa - El Gaitero fundose en 1986 pol maestru gaiteru José Ángel Hevia, quien exerció como director dende los sos entamos hasta l'añu 2001. Sol so lideralgu, la banda sentó les bases de la so identidá musical y consolidose como una de les agrupaciones más representatives de la música tradicional asturiana.
Donde suena la gaita y se brinda con sidra, vive Asturias.
El Gaitero
"
NUESA HESTORIA:
39 AÑOS D'HESTORIA
A lo llargo de los sos 39 años d'esistencia, la banda llevó la música y la cultura asturiana por tolos rincones d'Asturies, por distintos llugares d'España y per numberosos países d'América, contribuyendo al espardimientu internacional del folclore asturianu.
Somos la banda asturiana que más vegaes participó nel prestixosu Festival Intercéltico de Lorient, na Bretaña francesa, con actuaciones nas ediciones de 1990, 1991, 1995, 1998, 2000, 2005, 2012 y 2018.
Amás, fuimos la primer banda gaites non gallega en ganar la Lliga Gallega nel añu 2005, anovando'l títulu al añu siguiente.
Lliga Gallega 2005
Lliga Gallega 2006
Banda Gaites Villaviciosa en Lorient
PALMARÉS
En 1993 ganó'l "I Concursu de Bandes de Gaites" entamáu pola Conseyería de Cultura.
En 1994 y 1995 algamó'l primer puestu nel "Concurso de Muestra y floclore Ciudad de Oviedo".
En 2001 algama el tercer llugar nel "I Campeonatu de Bandes de Gaites asturianes" entamáu pola Federación Internacional de Gaiteros Asturianos (FIGA). En 2002 algamará'l subcampeonatu xunto cola Banda Gaites "Ribeseya" y en 2003 na tercer, y ultima edición del campeonatu, el cuartu puestu.
En 2005 ganen la "XV Liga Galega de Bandas de Gaitas" onde participen más de 125 formaciones de Galicia, Asturies, Portugal y España convirtiéndose na primer banda non gallega que lo fai. Amás, nesta edición ganen el "II Concurso de Cuerpos de Percusión" con una puntuacion cuasi perfeuta de 38,5 puntos sobre 40.
En 2006 ganen per segundu añu siguíu la Lliga Gallega, asina comu les tres fases que de les que se compón la competición.
En 2011 reciben el premiu "Aldea más guapa" a la so trayectoria, de la "Asociación de Amigos del Paisaje de Villaviciosa-Cubera".
OTRAS DISTINCIONES:
"Urugallo de Bronce" del Centru Asturianu de Madrid
"Manzana de Plata" del Conceyu Villaviciosa.
Premiu "AMAS" 2018 (Anuariu la música n'Asturies) na categoría de Gaita.
ACTUALIDÁ
A día de güei, la Banda Gaites Villaviciosa - El Gaitero ta formada por unes 20 persones, distribuyíes en dos secciones principales: gaites (afinaes en si bemol) y percusión. Ente los preseos de percusión se inclúyense caxes d'alta tensión, timbales y bombu, conformando una agrupación con una sonoridá rica y variada que reflexa la tradición asturiana na so máxima espresión.
