Maestru de Gaita
Álvaro Cueto Cueto nació en Villaviciosa en 1991 y entamó la so formación como gaiteru en 1999 na Escuela de Música Tradicional de la Banda Gaites Villaviciosa, de la mano de Miguel Alonso. En 2003 incorporóse a la banda, cola que consiguió importantes llogros na Liga Galega de Bandas de Gaitas, proclamándose campeón en 2005 y 2006.
A lo llargo de la so trayectoria, completó la so formación musical con maestros como José Manuel Tejedor y Xuacu Amieva, fondiando nel conocimientu y la interpretación de la gaita asturiana. En 2009 incorporóse a la Banda Gaites Ribeseya, onde asumió la direición de la seición de gaites al añu siguiente.
Anguaño, ye direutor musical de la Banda Gaites Villaviciosa – El Gaitero, onde combina la so esperiencia como intérprete y direutor cola enseñanza de la gaita. La so trayeutoria y formación permiten-y ufiertar al alumnáu una enseñanza que xune téunica, esperiencia práctica y conocimientu de la tradición musical asturiana.
ÁLVARO CUETO
Pon clases de gaita a toos los niveles, los martes, xueves y vienres. Dende la aniciación a niveles más avanzaos.
Maestru de Tambor
Edu Llosa entamó la so trayectoria musical na Banda Gaites Villaviciosa – El Gaitero, onde se formó como gaiteru y percusionista. Siguió los sos estudios nel Conservatoriu Profesional de Música y Danza de Xixón y nel CONSMUPA, ampliando la so formación con cursos especializaos y clases maxistrales.
A lo llargo de la so carrera, desarrolló una amplia esperiencia como percusionista en agrupaciones como la Banda Sinfónica de Xixón y los grupos Alienda y Abéu, participando en conciertos y grabaciones. Amás, trabaya como guitarrista, compositor y productor musical.
Anguaño, ye direutor de percusión y profesor na Banda Gaites Villaviciosa – El Gaitero, onde dirixe la seición de percusión y da clases de tambor y caxa. La so trayeutoria combina formación académica, esperiencia profesional y conocimientu de la música tradicional asturiana, que tresmite a les nueves xeneraciones de músicos.
EDU LLOSA
Pon clases de tambor a toos los niveles, los llunes y xueves. Dende la aniciación a niveles más avanzaos.
